Nkonimdi ayeyi dwom

¹O Awurade, ɔhene ani agye efisɛ, womaa no ahoɔden; odi ahurusi efisɛ, woma odii nkonim. ² Woama no nea ne koma pɛ; woayɛ n’abisade.

³ Wode nhyira dodow brɛɛ no bɛhyɛɛ no sikakɔkɔɔ ahenkyɛw. ⁴ Obisaa wo nkwa, na womaa no nkwa a enni awiei. ⁵ Esiane wo mmoa nti, n’anuonyam so. Woama no din ne tumi. ⁶ Wo nhyira wɔ ne so daadaa; na ka a woka ne ho no ma odi ahurusi. ⁷ Ɔhene no gye Otumfoɔ Awurade di, na esiane Awurade dɔ a ɔdɔ no daa nti, ɔhwɛ ne so daa.

⁸ Ɔhene bɛkyere n’atamfo nyinaa. Ɔbɛkyere obiara a ɔtan no. ⁹ Sɛ ɔba a, ɔbɛsɛe wɔn sɛ ogya a ɛredɛw. Awurade bɛsɛe wɔn wɔ n’abufuw mu na ogya abɛhyew wɔn. ¹⁰ Ɛrenka wɔn aseni biara; ɔhene no bekunkum wɔn nyinaa. ¹¹ Wɔyɛ nhyehyɛe, sɔre tia no nanso, wɔrenni nkonim. ¹² Ɔbɛtow ne bɛmma akyerɛ wɔn so na wɔadan wɔn ho aguan.

¹³ Yɛkamfo wo, Awurade, wɔ w’ahoɔden kɛse no nti. Yɛbɛto nnwom akamfo wo mmaninne.