Obi a wɔagye no afi owu mu nkamfo

¹Medɔ Awurade efisɛ, otie me. Otie me mpaebɔ. ² Bere biara a mefrɛ no no, ogye me so.

³ Owu hama kyekyeree me na damoa ho ahometew twiw bɛn me. Ɛma mebɔɔ hu. ⁴ Na mefrɛɛ Awurade se, “Mesrɛ wo, Awurade, gye me nkwa!” ⁵ Awurade hu mmɔbɔ na oye; yɛn Nyankopɔn yɛ mmɔborɔhunufo. ⁶ Awurade bɔ wɔn a wonni bi ho ban. Bere a mewɔ ɔhaw mu no, ogyee me. ⁷ Nya gyidi, me koma, efisɛ, Awurade ayɛ me yiye. ⁸ Awurade gyee me fii owu mu; otwaa me nusu so na wamma manni nkogu. ⁹ Enti menam Awurade anim wɔ ateasefo mu.

¹⁰ Sɛ ɛba sɛ meka se, “Wabubu me koraa” a, mekɔ so gye no di. ¹¹ Me suro mu, sɛ meka se, “Obi nni hɔ a yɛde yɛn ho to no so” koraa a, mekɔ so gye no di. ¹² Awurade papa a wayɛ me yi akyi, dɛn na metumi de ama no? ¹³ Mede nsa aseda bɛma Awurade sɛ wagye me nkwa. ¹⁴ Ne nkurɔfo aguabɔ ase na mede nea mede hyɛɛ no bɔ no bɛma no. ¹⁵ Sɛ Awurade nkurɔfo no bi wu a, ɛyɛ no yaw yiye.

¹⁶ Meyɛ wo somfo, Awurade. Mesom wo sɛnea me na yɛe. Woagye me afi owu mu. ¹⁷ Mede aseda bɛbɔ wo afɔre na mabɔ wo mpae. ¹⁸ Sɛ wo nkurɔfo nyinaa bɔ gua wɔ wo fi wɔ Yerusalem Kronkron mu Kronkron mu hɔ a, ¹⁹ mede nea mahyɛ wo ho bɔ no bɛma wo. Kamfo Awurade!