NKYƐM A ƐTO SO ANUM

NNWOM 107-150

Onyankopɔn adɔe

¹“Monna Awurade ase efisɛ oye; n’adɔe wɔ hɔ daa!” ² Ti saa asɛm yi mu fa kamfo Awurade, mo a wagye mo. Wagye mo afi mo atamfo nsam.

³ Ɔde mo afi amanɔnne. Ɔde mo afi apuei ne atɔe, atifi ne anafo. ⁴ Ebinom nantew sare a ɔkwan nna mu so a wontumi nhu kwan mma kurom mmɛtena mu. ⁵ Ɔkɔm ne sukɔm dee wɔn maa wɔn anidaso sae. ⁶ Na wɔn haw mu, wɔfrɛɛ Awurade na ogyee wɔn fii wɔn haw mu. ⁷ Ɔde wɔn faa ɔkwan tee so baa kurom faako a wobetumi atena. ⁸ Ɛsɛ sɛ wɔda Awurade ase wɔ ne dɔ a ɛnsa no ne anwonwade a ɔyɛ maa wɔn no ho. ⁹ Wɔn a sukɔm de wɔn no, ɔma wɔn nsu nom na wɔn a ɔkɔm de wɔn no, ɔde nnepa ahyɛ wɔn ma. ¹⁰ Na ebinom a wɔyɛ nneduafo a wɔrehu amane wɔ nkɔnsɔnkɔnsɔn mu te mmɔborɔ ne sum mu, ¹¹ efisɛ, wɔasɔre atia Otumfoɔ Nyankopɔn mmara na wɔabu n’ahyɛde so. ¹² Adwuma a ɛyɛ den ma wɔbrɛe; wɔbɛtew ahwe na wɔrennya obi nso wɔn mu. ¹³ Afei wɔn haw mu, wɔfrɛɛ Awurade na ogyee wɔn amanehunu no mu. ¹⁴ Oyii wɔn fii wɔn mmɔborɔ ne esum no mu bubuu wɔn nkɔnsɔnkɔnsɔn no mu asinasin. ¹⁵ Ɛsɛ sɛ wɔda Awurade ase wɔ ne dɔ a ɛnsa da no ne anwonwade a ɔyɛ maa wɔn no ho. ¹⁶ Obubu kɔbere apon twitwa nnade mu.

¹⁷ Ebinom kwasea nti, wohuu amane wɔ wɔn bɔne ho. ¹⁸ Wohu aduan a, wontumi nnyina efisɛ, na wɔreyɛ awuwu. ¹⁹ Afei, wɔn haw mu, wɔfrɛɛ Awurade na ogyee wɔn fii wɔn amanehunu mu. ²⁰ Ɔnam ne kasa so saa wɔn yare gyee wɔn fii damoa mu. ²¹ Ɛsɛ sɛ wɔda Awurade ase wɔ ne dɔ a ɛnsa da no ne anwonwade a ɔyɛ maa wɔn no ho. ²² Ɛsɛ sɛ wɔbɔ afɔre da no ase na wɔto ahosɛpɛw nnwom de kyerɛ nea wayɛ nyinaa.

²³ Ebinom tenaa ahyɛn mu wɔ po so a na po so adwumayɛ na wofi mu didi. ²⁴ Wohui sɛ Awurade tumi yɛ anwonwade wɔ po so nso. ²⁵ Ɔkasae mmaa ahum fii ase tui na ɛwosowoo asorɔkye no. ²⁶ Ahyɛn no pagyaw kɔɔ soro na ɛsan bɔ wuraa po no mu, kɔɔ ase pɛɛ. Saa amanehunu yi maa nnipa bo tui ²⁷ ma wokyim tɔɔ ntintan sɛ asabofo. Wɔn suahu nyinaa ho amma mfaso. ²⁸ Afei wɔn haw mu no, wɔfrɛɛ Awurade na ogyee wɔn fii wɔn haw no mu. ²⁹ Ɔbrɛɛ ahum no ase na asorɔkye no yɛɛ dinn. ³⁰ Ɛyɛɛ dinn no, wɔn ani gyei na ɔde wɔn baa hyɛngyinabea a na wɔpɛ sɛ wɔba hɔ no asomdwoe mu. ³¹ Ɛsɛ sɛ wɔda Awurade ase wɔ ne dɔ a ɛnsa da no ne anwonwade a ɔyɛ maa wɔn no ho. ³² Ɛsɛ sɛ wɔpae mu ka ne kɛseyɛ wɔ nnipa nyinaa anim na wɔkamfo no wɔ agyinatufo mpanyimfo anim.

³³ Awurade maa nsubɔnten yoyowee koraa, na otwaa nsuwa teɛ a ɛteɛ so. ³⁴ Ɔmaa asase pa danee sare a nkyene wɔ mu esiane amumɔyɛsɛm a na wɔn a wɔte hɔ no yɛ no nti. ³⁵ Ɔsesaa sare maa nsu twitwaa mmura wɔ hɔ maa nsuwa nso bɔɔ asase kesee so. ³⁶ Ɔmaa wɔn a ɔkɔm de wɔn tenaa hɔ na wɔkyekyeree kurow tenaa mu wɔ hɔ. ³⁷ Woduaa mfuw no mu nnɔbae ne bobe na wotwaa nnɔbae bebree. ³⁸ Ohyiraa ne nkurɔfo ma wɔwoo mma bebree. Wamma wɔn anantwi dodow no so antew.

³⁹ Bere a wodii Onyankopɔn nkurɔfo so na wodii wɔn nya atirimmɔden so no, ⁴⁰ ne bo fuw weretɔfo no ma wokyinkyinii sare a ɔkwan nna baabiara no so. ⁴¹ Nanso ogyee wɔn a ade ahia wɔn no fii wɔn ahokyere mu na ɔmaa wɔn abusua no ase trɛwee. ⁴² Atreneefo hu eyi ma wɔn ani gye na wɔma amumɔyɛfo nyinaa yɛ komm.

⁴³ Momma wɔn a wɔyɛ anyansafo no nsusuw eyinom ho na wonhu Awurade dɔ a ɛwɔ hɔ daa no.