1 Samuel 9:8
Ang Pulong Sang Dios (HLGN)Nagsabat ang suluguon, “Ari, may sensilyo ako nga pilak.[b] Ihatag ko ini sa propeta sang Dios agod sugiran niya kita kon sa diin ta makita ang mga asno.” 9-10 Nagsiling si Saul sa iya, “Maayo gid! Dali, makadto kita sa manalagna.” (Sang una sa Israel, kon may tawo nga gusto nga makabaton sang mensahi halin sa Dios, nagasiling siya, “Dali, makadto kita sa manalagna,” kay ang ginatawag subong nga propeta ginatawag sadto nga manalagna.)
Nagkadto si Saul kag ang suluguon sa banwa nga sa diin ara ang propeta sang Dios.